يا غريب كون أديب

[شموخ العزة]

السلام عليكم ورحمة الله وبركاته

شحالكم عسى الكل بخير وما يشكي باس؟؟

اليوم عندي لكم موضوع أحب أعرف وجهة نظر كل واحد فيكم يقراه

"يا غريب كون أديب"

هالعبارة ما تنقال إلا لما شخص يكون رايح مكان وجلس هالشخص يناشب أصحاب البيت أو أصحاب ذاك المكان,,,,المهم أدش بالموضوع

حبيت أخبركم بموقف صار بقاعة الإجتماعات لما كنت مستجدة في جامعة(.....) في الإمارات

الله يسلمكم الجامعة متعودة تاخذ الطلبة المستجدين وتلفهم ع أماكن محاضراتهم وبنفس اليوم تجتمع بالطلبة الجدد طبعاً كل واحد بكليته"ملاحظة ترى جامعتنا غير مختلطة" المهم اليوم اللي كنا مجتمعين فيه كنا نتريا عميد كليتنا
فأغتنمنا الفرصة بالتعرف على بعض وجلسن المشرفات والطالبات المنظمات يعملن لنا نوع من الترفيه وإلقاء الأسئلة إلين ماأيي العميد

ندش بالموضوع وبلا مقدمات أكثر.... لما كنا متفاعلين والجو حمااااسي في وحدة من الطالبات قامت ورفعت أيدها ع أساس عندها سؤال قالت لها المشرفة تفضلي

فالأخت الله يهديها قالت شغلوا المكيف الدنيا حر "للعلم القاعة كانت ملياااااااانه يعني مزحووووووومة من بدايتها لنهايتها والمكيفات شغاله لكن ع الزحمة قلّت البرودة" ولما قالت هالشي بصراحة قالته بإحترام أبهر الجميع وأنا أولهم!!!
قالت الله يسلمكم: "أنتوا عيال زايد تقولوا عندكم فلوس وبطرانين ماقادرين تشغلوا فالقاعة مكيف"

طبعاً من كلامي بين لكم أن البنت مب إماراتية, عموماً ردت عليها وحدة من المنظمات فقالت لها بكل أدب وأحترام: أختي المكيفات شغاله بس القاعة زحمة وأنتي جالسة فالنص فشوي صعبة يوصل لج المكيف!!!
وقالت لها بأسلوب مزاح أنا الحين طالبة مثلج وإذا الله راد وتوظفت فالجامعة أوعدج أن أول شي أسويه المكيفات بالقاعات.

إلى هني والسالفة خلصت لكن الحاضرات ما رضاهن اللي صار فرفعت وحدة من الإماراتيات أيدها تستسمح بطرح السؤال قالوا لها تفضلي.
فوجهت سؤالها للبنت اللي تشتكي وقالت لها لوسمحتي أنتي من وين؟؟
المشتكية: من دار قابوس طال عمرج"للأمانة كنت فخووووووورة بذكر هالكلمة رغم أسفي للموقف اللي صار"
المهم ...... الإماراتيه تبي تفشي غليلها فقالت لها آآهااااه أنزين شوفي نحن عيال زايد والخير شايفنيه والمكيفات راح تلاقيها فبلادنا حتى بالشوارع

فقطعت وحده من المشرفات الكلام وغيرت الموضوع عشان ماتصير مشادات أكثر

والحمدلله دقيقة إلا العميد واصل فكأن شي ماصار

لكن لما ظهرنا من القاعة الكل كان ينظر لها " البنت ... العمانية" نظرة احتقار وغيظ.

والحين أبي رأي الكل فالموقف اللي صار؟؟

يعني تخيلو أنكم مكان البنات اللي حاضرين شو كنتوا بتسووا؟؟

[النمرود22]

اولا مشكوره ع الموضوع الممتاز

من وجهة نظري الي سوته غلط والغلط ما فالطلب لان المكان عام ومن حقها تطلب ,, لكن الغلط فالاسلوب الهزيل ولو انا هناك كنت اول واحد ارد عليها ولو كنت من نفس البلد وما الوم رد البنات عليها من حرارة دمهم ع وطنهم لازم يصير كذا ,, بو اعرفه زين يوم سلمت من الضرب وسامحوني



ويا غريب كون اديب

[وجود]

مشكورة أختي على طرح الموضوع

أسلوب البنت وطريقة كلامها خطأ وما كان المفروض تتكلم بهالطريقة
المفروض تتكلم بأسلوب محترم.. لاني أعتقد كان أسلوبها غير محترم وتحاول تستهزأ لانهم عايشيت ف نعمة
مهما كان الموقف أو غيره من المواقف يجب أن نحترم (بكسر الراء) الآخرين لكي نحترم (بفتح الراء)
والمشكلة انها بلادهم

فأنا أقول (يا غريب كون أديب)

ألف شكر على الموضوع

[الفيومي]

شموخ العز

تحية طيبة

لي رايي الخاص بالموضوع..
لا ينطبق على الطالبة (العمانية) قول (يا غريب كون اديب)
لانها طالبة بتلك الجامعة ونفس القاعة ولها ما لها وعليها ما عليه
لكنها اخطأت بطريقة توصيل رأيها ..
فقد كان بطريقة ساخرة
عموما اعتقد ان الموقف يحصل كثيرا في اماكن مختلفة وعمان والامارات واحد المهم ان لا يقلل او يرفع احد شان الآخر
رحم الله امرا عرف قدر نفسه

شكرا وبانتظار المزيد

[شموخ العزة]

اولا مشكوره ع الموضوع الممتاز

من وجهة نظري الي سوته غلط والغلط ما فالطلب لان المكان عام ومن حقها تطلب ,, لكن الغلط فالاسلوب الهزيل ولو انا هناك كنت اول واحد ارد عليها ولو كنت من نفس البلد وما الوم رد البنات عليها من حرارة دمهم ع وطنهم لازم يصير كذا ,, بو اعرفه زين يوم سلمت من الضرب وسامحوني



ويا غريب كون اديب


مسموح وزود أخوي ويعطيك ربي العافية

وجهة نظرك أكييييييد محترمنها

مشكوووور ع المشاركة

دمت بعز وفخر

[شموخ العزة]

مشكورة أختي على طرح الموضوع

أسلوب البنت وطريقة كلامها خطأ وما كان المفروض تتكلم بهالطريقة
المفروض تتكلم بأسلوب محترم.. لاني أعتقد كان أسلوبها غير محترم وتحاول تستهزأ لانهم عايشيت ف نعمة
مهما كان الموقف أو غيره من المواقف يجب أن نحترم (بكسر الراء) الآخرين لكي نحترم (بفتح الراء)
والمشكلة انها بلادهم

فأنا أقول (يا غريب كون أديب)

ألف شكر على الموضوع

يعطيك ربي العافية أخوي وجود

وأشكرك على المشاركة الراقية وإلقاء رأيك المقبول" يجب أن نحتَرِم الآخرين كي يتم إحترَامنا"

دمت بعز وفخر

[شموخ العزة]

شموخ العز

تحية طيبة

لي رايي الخاص بالموضوع..
لا ينطبق على الطالبة (العمانية) قول (يا غريب كون اديب)
لانها طالبة بتلك الجامعة ونفس القاعة ولها ما لها وعليها ما عليه
لكنها اخطأت بطريقة توصيل رأيها ..
فقد كان بطريقة ساخرة
عموما اعتقد ان الموقف يحصل كثيرا في اماكن مختلفة وعمان والامارات واحد المهم ان لا يقلل او يرفع احد شان الآخر
رحم الله امرا عرف قدر نفسه

شكرا وبانتظار المزيد

تسلم أخوي الشاكر

ووجهة نظرك نتقبلها بسعة صدر

أخوي نحن صحيح نقول كلنا خليج واحد وشعب واحد

لكن يظل هناك حدود لازم ع الفرد يلتزم بها يعني أنا لو صار ماصار أظل

أحمل جنسية غير جنسية البلاد اللي أدرس فيها... بالتالي شي طبيعي أكون غريبه عنهم

مهما تشابهت اللغة والعادات والتقاليد

مشكووووووور يالطيب ولاهنت بالمشاركة

دمت بعز وفخر

[عد--فارس--سة]

يا غريب كن اديب


البنت اخطاة في طريقة توصيل المعلومة .......

عمان والامارات يد بيد(اولاد عمومه) يعني البنت كانه في بلادها مو فارقه

تسلمي خيووو ع الموضوع

[بنت المري]

مشكوره فديتج ع الموضوع الغاوي

انا فنظري نفس ردود اخواني السابقين
وهذي الامور تحصل فكل مكان
والغلط فطريقة

[فيض المشاعر]

مشكوووره خيتوو على الموضووع// والاسلووب ف السرد حلوو/

ف البدااية ان البنت غلطت لما تكلمت عن الاماارات،،، وما شي فرق بين الدولتين// ولو انا كنت مكانها ما بقول كذي بعد عن يبطروا زياده//

والباااقي ما بزيد عن كلامــ أخواااني/

تقبلي مروووري

[reem]

فعلا البنت غلطت

وأنا مع أراء أخواني وأاخواتي

تسلمـــــــي شموخ ع الطرح الغاووووي

[شموخ العزة]

يا غريب كن اديب


البنت اخطاة في طريقة توصيل المعلومة .......

عمان والامارات يد بيد(اولاد عمومه) يعني البنت كانه في بلادها مو فارقه

تسلمي خيووو ع الموضوع

وأنا معكم,,,, أصلاً ماتجرأت وكتبت الموضوع إلا لأني متأكدة بأن أسلوب البنت خطأأأأأأأ

وغيييير لائق....وأيضاً معكم أن عمان والإمارات عيال عمومة ومابينهم فرق لا فالعادات ولا

التقاليد ولا حتى اللغة,,,بس أخوي تخيل شخص زاركم فالبيت وقالك هالكلام مابتاخذ فخاطرك

وبتقول فبيتنا ويتشرط علينا؟؟؟!!!

"ساعتها راح يطابق كلام لها المثل اللي ذكرته في سردي للموضوع"

أشكرك أخي الكريم ع المداخلة

ومشاركتك أسعدتنا

دمت بعز وفخر

[شموخ العزة]

مشكوره فديتج ع الموضوع الغاوي

انا فنظري نفس ردود اخواني السابقين
وهذي الامور تحصل فكل مكان
والغلط فطريقة


تسلمين أختي ع المشاركة

وإبداء رأيج في الموضوع

دمتي كما تحبين

[شموخ العزة]

مشكوووره خيتوو على الموضووع// والاسلووب ف السرد حلوو/

ف البدااية ان البنت غلطت لما تكلمت عن الاماارات،،، وما شي فرق بين الدولتين// ولو انا كنت مكانها ما بقول كذي بعد عن يبطروا زياده//

والباااقي ما بزيد عن كلامــ أخواااني/

تقبلي مروووري


يعطيك ربي العافية أخوي الولهان

وماقصرت بالمشاركة فالموضوع

لا هنت

دمت بعز وفخر

[شموخ العزة]

فعلا البنت غلطت

وأنا مع أراء أخواني وأاخواتي

تسلمـــــــي شموخ ع الطرح الغاووووي


يسلم راسج أختي ريم

ويعطيج ربي العافية ع المشاركة وإبداء الرأي فالموضوع

دمتي بعز وفخر

[شموخ العزة]

أخواني وأخواتي

قريت راي كل من شارك فالموضوع وتمعنت فيه كثير,,,

وكانت ردودكم أكثرها متشابهه,,, أخواني أنا لما سألت السؤال قلت شو بتكون ردة فعلكم لو تكونوا من

ضمن الحاضرين...يمكن محد فهم سؤالي لكن بقول لكم بمعنى أدق... تخيلوا أنفسكم مكان الإماراتيات أو

خلونا نقول أنكم كنتوا فقاعة وجاكم واحد إماراتي أو شخص حامل جنسية غير العمانية وتلفظ عليكم شرات

ماقالت البنت شو بتكون ردة فعلكم؟؟

هل الصمت بيسيطر عليكم وبتقولوا عادي وايد تصير وبكل مكان ولا راح تردوا على هذا الشخص بأسلوب

مشابه من أسلوبه؟؟

أو مثال آخر واحد زارك//ج البيت وقال شغل//ي المكيف الدنيا حر ترا عندك//ج فلوس وبطران//ه (وبأسلوب

سخرية وإستفزاز) مابتكون عندكم ردة فعل؟؟!!

"ولو أني متأكدة راح تقولوا فبيتنا ويتشرط علينا"//"البيت بيت أبونا والقوم حاربونا"

[وجود]

أكيد راح تكون ردة فعلنا غير

ومدامه ف بيتنا لازم نحترمه حتى لو اهوه ما عمل لنا إحترام

يمكن ردة فعل البنات كانت غير في موضوعك
بس أنا اللي لازم اعمل به انه لازم أحترم الكل حتى لو غلطوا علي في بيتي أو في بلادي

إذا حسوا باحترامك لهم حتى لو كانوا غلطانين فيك.. فالنهايه يضطروا يعتذروا منك
لأنك احترمتيهم واهمه اللي غلطوا عليك وف دارك أو بلادك

رأيي الشخصي

[fragrance]

لوو كنت انا بالقااعه كنت اول شخص بيرد عليها

والشخص من وين ما يروح يظل يمثل اهله وبلاده ومو العيب بالسؤال لكن العيب بالاسلوب وهذا اللي كثير من شبابنا وشاباتنا مفتقدينه للأسف

وتشكري خيتوو على الموضووع

[شموخ العزة]

أكيد راح تكون ردة فعلنا غير

ومدامه ف بيتنا لازم نحترمه حتى لو اهوه ما عمل لنا إحترام

يمكن ردة فعل البنات كانت غير في موضوعك
بس أنا اللي لازم اعمل به انه لازم أحترم الكل حتى لو غلطوا علي في بيتي أو في بلادي

إذا حسوا باحترامك لهم حتى لو كانوا غلطانين فيك.. فالنهايه يضطروا يعتذروا منك
لأنك احترمتيهم واهمه اللي غلطوا عليك وف دارك أو بلادك

رأيي الشخصي

تسلم أخوي وجود ورايك ع راسنا

فالنهاية كلن بوجهة نظرة وتختلف ردة الفعل من شخص لآخر

"أنا بس كنت أبي أعرف ردة فعل كل واحد لو كان متواجد فالمكان أو لو صارله هالشي"

فيعطيك ربي العافية ... دمت مرفوع الراس

[شموخ العزة]

لوو كنت انا بالقااعه كنت اول شخص بيرد عليها

والشخص من وين ما يروح يظل يمثل اهله وبلاده ومو العيب بالسؤال لكن العيب بالاسلوب وهذا اللي كثير من شبابنا وشاباتنا مفتقدينه للأسف

وتشكري خيتوو على الموضووع


تسلم أخوي fragrance ع المشاركة وكلامك عين العقل وزينته,,,,هالشي هو اللي ابي أوصله

أنا معك لو كنت مكانهن أول وحدة برد ع البنت بعد هذي بلادي ماأرضى أحد يتلفظ عليها

والله في نفسي ولا فيها,,,ومثل ماتكرمت الشخص وين مايروح فهو سفير لبلاده ووطنه

وللأمانة فالبداية كنت ماخذة فكرة عن الإماراتيين أنهم مايحبون العمانيين مووووووليه خصوصاً

من الأشياء اللي تصير في "خليجي كرة القدم" بس بعد ماتعاملت وأحتكيت بالأخوات اللي

عدنا تغيرت نظرتي لأني ماشفت منهن إلا المعاملة الطيبة.

يعطيك ربي العافية أخي الكريم

ومداخلتك اسعدتنا

دمت بسعد وراحة بال

[روح البداوة]

اولاً مشكورة ع الطرح....

ثانياً.....اذكره هالموقف ....(ذكرتينا بأيام الغوص)....
الله يهديها غلطت البنت... وحتى لو من المفروض ما تقول كذا....لأن احنا فبلادهم...

وما من حقنا انا نغلط عليهم ...

والسموحة ع القصور...