أوقات رمضان

[طير السعد]

السلام عليكم يا جماعه .....
اليوم حبيت اطرح موضوع انا اشوفه مهم جدا بالنسبه لي في رمضان.
...كلنا الحمدلله نعرف انه في رمضان وخاصه هذه السنه النهار اطول من الليل وبصراحه الواحد يتعب كثير في هذه الوقت وطبعا في الجانب الثاني الليل بيكون قصير جدا يعني اذان المغرب بيكون على الساعه 7و10 تقريبا . الأن بالنسبه للموظفين مثلي انا وغيري ما هو رايكم هل أفضل للشخص انه يكون في الدوام ويقضي وقته في الدوام أم انه ياخذ اجازه ويجلس في البيت وينام لحد ما يشبع وبعدها ينهض ويأدي فرائضه. أنتظر ردودكم وأرأكم .
ودمتم ساااااااالمين

[وجود]

هلا فيك طير السعد
افضل لك الدوام في رمضان لكسب الثواب والاجر.. ف البيت بيكون معطم وقتك في النوم.. بالذات اذا كان شغلك غير متعب مثلا في مكتب
لكن اذا جيت علي انا وشغلي افضل لي اخذ اجازتي وطول شهر رمضان ف البيت.. لاني اداوم ف الصحرا وتحت الشمس
صحيح بتخفض عدد ساعات الدوام ولكن بتظل هناك صعوبه لاني ما بطلع من الدوام قبل الساعه الثانيه ظهرا (2ظهر) لان المكان حساس شوي وتقدر تقول قلب عمان اقتصاديا.. فلو كان يصير باخذ اجازتي في رمضان.. هذي السنه بنبدأ الصيام قبل الساعه 5 الفجر للساعه 7.10 يعني بنصوم اكثر من 14 ساعه
في رأيي افضل لك تكون في الدوام

[محايد]

في رأيي الأحسن الواحد يكون في البيت إجازة يتفرغ للعبادة (وليس للنوم ) وتكون بعد مع أهلك أفضل من ربعك لأن بعضهم الله يهديهم رمضان ماله حرمة عندهم(غيبة -نميمة.....الخ)يعني راح صومك فالفاضي وهذه منتشرة كثير للأسف -تحياتي الحارة لك

[الحلم ss]

الله يعين الجميع علي صيام هذا الشهر المبارك
ونسأل الله أن يهون علينا متعاب هذا الشهر وأن يعين الجميع علي صيامه وقيامه اللهم أمين
لأن بصراحة بيكون تعب عالجميع بسبب الحرارة العالية وطول فترة الأمساك

[شيخة بنى علي]

بصــرــاحهـ احسن الدوام عسب يمضي الوقــت بسرعهـ و ما يكون شي ملل ..

ثاني شي احسن للواحد ما يخمها نوم كله ايحصل شي يسويه يعني ..

هذا راايي نصيحه من اختكـ .. ههههههههههـ ..

و السموحهـ عـــــــــــأاااد

[reem]

العمل بعد عبادة..

اما جلوس البيت ما منها فايدة

[شموخ العزة]

أخوي مافي أحلى من لمة الأهل في رمضان وأجواءه الحلوة فإذا كنت ناوي تاخذ إجازتك عشان

تنام "نصيحة من أختك" خلك فالدوام أحسن لك ... لأن العمل في رمضان يعتبر عبادة فمابالك

لما يكون رمضان وبعز الصيف...بعون الله الأجر أكثر.

"مجرد وجهة نظر لا غير"

دمت بحمى المولى

[طير السعد]

أشكر الجميع على المرور الطيب . وأنا بصراحه خلاص قررت أني أكون في الدوام واقضي الوقت في الدوام وفنفس الوقت بحاول أقراء قرآن حتى ولو سوره وحده. تحــــــــــــــــــــــــــيــاتي للجميع

[الراقي]

كالعادة موضوع جميل من طير السعد.....
أنا بصراحة أشارك محايد وشموخ العزه ف الراي...صحيح أنا أداوم على مكتب والحمد لله ماشي تعب ...
لكن مثل م قالت شموخ العزه مافي أحسن من لمة الاهل فرمضان وتقضى أوقات النهار الى بعض الناس تفكر تقضيها فالنوم,, تقضيها فالعبادة وقراة القرآن طبعا ماكل الوقت يعني قبل الصلاة الفجر وبعد الصلاة وايضا الصلوات الاخرى....
رمضان كريم علينا وعليكم..